கார்த்திக் சுப்பராஜ் இயக்கத்தில் தனுஷ் நடித்திருக்கும் 'ஜகமே தந்திரம்' திரைப்படம் ஜூன் மாதம் 18ஆம் தேதி நேரடியாக நெட்ஃபிளிக்ஸ் தளத்தில் வெளியாகிறது. இது குறித்த அதிகாரபூர்வ அறிவிப்பு வெளியாகியுள்ளது.

கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள படம் 'ஜகமே தந்திரம்'.

இதனைத் தொடர்ந்து, விஜய் தொலைக்காட்சியில் நேரடி ஒளிபரப்புக்கு 'ஏலே' படத்தைக் கொடுத்துவிட்டார். பின்பு, 'ஜகமே தந்திரம்' படத்தையும் ஓடிடி வெளியீட்டுக்குக் கொடுத்துவிட்டார். ஃநெட்ப்ளிக்ஸ் ஓடிடி நிறுவனம் பெரும் விலை கொடுத்து 'ஜகமே தந்திரம்' படத்தின் உரிமையைக் கைப்பற்றியுள்ளது.

நேரடி ஓடிடி வெளியீடு குறித்து தனுஷ் தரப்பில் அதிருப்தி நிலவி வந்தாலும் மேற்கொண்டு இது குறித்து தயாரிப்பாளர் தரப்பில் யாரும் எந்தக் கருத்தும் தெரிவிக்கவில்லை. 

தற்போது ஜூன் 18ஆம் தேதி அன்று படம் நெட்ஃபிளிக்ஸில் வெளியாகும் என்று அதிகாரபூர்வமா அறிவிக்கப்பட்டுள்ளது. நெட்ஃபிளிக்ஸ் ட்விட்டர் பக்கத்தில் இது குறித்துப் பகிரப்பட்டுள்ளது.