சென்னை சூப்பர் கிங்ஸ் பேட்டிங் பயிற்சியாளர் மைக் ஹஸ்சிக்கு மீண்டும் கொரோனா வைரஸ் நோய்த் தொற்று இருப்பது உறுதி செய்யப்பட்டுள்ளது. ஐபிஎல் தொடரில் விளையாடி வந்த வீரர்கள் சிலருக்கு கொரோனா வைரஸ் தொற்று உறுதி செய்யப்பட்டது. அந்த வகையில், சென்னை அணியின் பேட்டிங் பயிற்சியாளர் மைக் ஹஸ்சிக்கும் கொரோனா உறுதி செய்யப்பட்டது.  இதையடுத்து,  சென்னையிலுள்ள மருத்துவமனையில் மைக் ஹஸ்சி சிகிச்சை பெற்று வருகிறார். 

 

நோய்த் தொற்றுக்கான சிகிச்சை பெற்று வரும் ஹசிக்கு 2-வது முறையாக மேற்கொள்ளப்பட்ட பரிசோதனையில் தொற்று பாதிப்பு இல்லை என்பது உறுதி செய்யப்பட்டது. ஆனால், மூன்றாவது முறையாக மேற்கொள்ளப்பட்ட பரிசோதனையில் மீண்டும் அவருக்கு தொற்று பாதிப்பு இருப்பது உறுதி செய்யப்பட்டுள்ளது. 

 

இதனால், வியாழக்கிழமை  அவருக்கு மீண்டும் பரிசோதனை மேற்கொள்ளப்படவுள்ளது.