வெதுவெதுப்பான நீரில், கல் உப்பு அல்லது வாசனை எண்ணெய் சில சொட்டுகள் கலந்து குளித்தால், உடல் சுறுசுறுப்பாவதோடு, எப்படிப்பட்ட மன அழுத்தத்தையும் குறைக்கும்; ஆழ்ந்த துாக்கம் வரும்.
மன அழுத்தம் அதிகம் இருந்தால் துாக்கம் வராது; துாக்கம் இல்லாவிட்டால், மன அழுத்தம் அதிகமாகும்.போதுமான அளவு துாக்கம் இல்லாவிட்டால், எதிர்ப்பு சக்தி குறையும்.
சுத்தமான துணியில், சில சொட்டுகள் வாசனை எண்ணெய் விட்டு, அவ்வப்போது முகரலாம். இருக்கும் இடத்தில், சில சொட்டுகள் தெளிக்கலாம். துாங்கும் அறையில் தெளிக்கலாம்.
இதனால் மன அழுத்தத்தை கட்டுப்படுத்தி, நோய் எதிர்ப்பு சக்தியை அதிகரிக்கச் செய்ய முடியும்.
கார சுவையுள்ள இஞ்சி, பூண்டு, வெங்காயத்தை தினசரி உணவில் சேர்த்துக் கொள்ள வேண்டும்.
குறிப்பாக, பூண்டில் உள்ள, 'அலிசின்', இஞ்சியில் உள்ள, 'ஜின்சரால்' போன்ற வேதிப் பொருட்கள், நுண்ணுயிரிகளை அழிக்கும் தன்மை உடையவை.
