ஆலங்குளம் தொகுதியில், 'பனங்காட்டு படை' ஒருங்கிணைப்பாளர், ஹரி நாடார் களம் இறங்கி உள்ளார். சென்னையில் வசிக்கும் இவர், பிரசாரத்திற்காக, ஆலங்குளத்தில் வீடு எடுத்து தங்கியுள்ளார். தினமும் காலை, மாலையில் கிராமம் கிராமமாக சென்று ஓட்டுக்கேட்கிறார். செல்லும் இடமெல்லாம், பெரும் கூட்டம் திரள்வதால், 'குஷி'யில் மிதக்கிறார். இவருக்கு எப்படி இவ்வளவு கூட்டம் என புரியாமல், இரு கட்சிகள் பீதியில் உள்ளனர்.

வாலிபர்கள் கூட்டம், ஜாதி பாசத்தில் வந்தது என வைத்துக் கொண்டாலும், பெண்கள் ஏனய்யா இப்படி ஓடி, ஓடி வருகிறார்கள் அவர் பேச்சை கேட்க? என்று இரு முகாமிலும் பட்டிமன்றம்.ஹரி நாடார் பேசுவதை கேட்க அவ்வளவு ஆர்வமா, உங்களுக்கு என, சில பெண்களை விசாரித்த போது,

'அவரு என்ன பேசுறார்னு கேக்க வரலைங்க.. கிலோ கணக்குல தங்க நகையெல்லாம் போட்டுகிட்டு வாரார்னு சொன்னாகளா... அதான் எப்டி இருக்கும்னு பாத்துட்டு போவலாம்னு வந்தோம்...' என்றனர்.

ஹரி நாடார் கழுத்திலும், காதிலும், கையிலும் சுமக்கும், நகைகள் நாலே கால் கிலோ. 4,250 கிராம். 531 சவரன். அவரிடம் உள்ள மொத்த நகைகள், 1,400 சவரன் மதிப்பு, 5 கோடி ரூபாய்.

அமெரிக்க அரசு திருநங்கை ஒருவருக்கு முக்கியப் பதவி ஒன்றை வழங்கியுள்ளது. கடந்த ஜனவரி 20ஆம் தேதி நடைபெற்ற அமெரிக்க அதிபர் தேர்தலில் ஜோ பைடன் வெற்றிபெற்று அமெரிக்க அதிபராகப் பதவி ஏற்றுக்கொண்டார். இந்நிலையில் அதிபர் ஜோ பைடன் சுகாதாரத்துறை துணை செயலாளராக ரேச்சல் லெவின் என்ற திருநங்கை பதவியேற்றுள்ளார்.

அமெரிக்க அரசியல் வரலாற்றில் முதன்முறையாக திருநங்கை ஒருவருக்கு பெரிய பதவி வழங்கப்பட்டது தற்போது அதிக வரவேற்பை பெற்றுள்ளது. மூத்த ஜனநாயகக் கட்சி உறுப்பினரான ரேச்சல், முன்னதாக பென்சில்வேனியா மாகாணத்தில் சுகாதாரத் துறை செயலாளராகப் பதவி வகித்து குறிப்பிடத்தக்கது.

ரேச்சல் ஜோ பைடனின் ஆலோசகராக நியமிக்கப்பட நாடாளுமன்றத்தில் வாக்கெடுப்பு நடைபெற்றது. இதில் 52 நாடாளுமன்ற உறுப்பினர்கள் வாக்களித்தனர். இவர்களில் 48 பேர் ரேச்சல் ஆதரவாக வாக்களித்தது குறிப்பிடத்தக்கது.

திருநங்கைகள் அரசியல், சினிமா, தொழில்துறை உள்ளிட்ட பல துறைகளில் சாதிக்கத் துவங்கிவிட்டனர். அமெரிக்க அரசு திருநங்கை ஒருவருக்கு மிக முக்கிய பதவி வழங்கியது பல்வேறு நாடுகள் மத்தியில் பாராட்டை பெற்றுள்ளது.

இன்ஜினியரிங் உள்ளிட்ட படிப்புகளுக்கு நுழைவு தேர்வு நடத்தப்படாது; மாறாக திறனறிதல் தேர்வு நடத்தப்படும் என, அகில இந்திய தொழில்நுட்ப கல்வி கவுன்சிலான, ஏ.ஐ.சி.டி.இ., அறிவித்து உள்ளது.

புதிய கல்வி கொள்கை வழியே, மாணவர்களுக்கான உயர்கல்வி வாய்ப்புகள் அதிகரிக்கும். எட்டாம் வகுப்புக்கு பின், உயர்கல்விக்கு முந்தைய நான்கு ஆண்டு படிப்பு அறிமுகமாகும். தற்போதைய ஒன்பது, 10, பிளஸ் 1 மற்றும் பிளஸ் 2வுக்கு பதில், இந்த படிப்பை மாணவர்கள் படிக்க வேண்டும். அதன்பின், விரும்பும் உயர்கல்வியில் சேரலாம் என்று ஆலோசிக்கப்பட்டது.

கடந்த 19ம் தேதி கேரள தேவாலயத்தின் கீழ் உள்ள கான்வென்ட்டை சேர்ந்த இரண்டு கன்னியாஸ்திரிகள், அங்கு பயிற்சி பெறும் இரண்டு பெண்கள் டில்லியில் இருந்து ஒடிசாவின் ரூர்கேலாவுக்கு உத்கல் எக்ஸ்பிரஸில் சென்றனர். ஜான்ஸி ரயில் நிலையத்திற்கு வந்தபோது அந்த ரயிலில் பயணித்த பஜ்ரங் தள அமைப்பை சேர்ந்த சிலர், ‛‛அந்த இரண்டு பெண்களையும் கன்னியாஸ்திரிகள் மத மாற்றம் செய்ய அழைத்துச் செல்கிறார்கள் எனக் கூறி அவர்களைத் அவமானப்படுத்தியதாகவும், ரயிலில் இருந்து வலுக்கட்டாயமாக இறக்கி விட்டதாகவும் தெரிகிறது. இதுப்பற்றி விசாரித்த ரயில்வே போலீசார், கன்னியாஸ்திரிகள் மீது எந்த தவறும் இல்லை என்பதை உறுதி செய்து, அவர்களை பாதுகாப்பாக வேறு ஒரு ரயிலில் அனுப்பி வைத்துள்ளனர். இதுதொடர்பான வீடியோ சமூகவலைதளங்களில் வைரல் ஆனது.

இந்த சம்பவத்திற்கு கடும் கண்டனம் எழுந்துள்ளது. சம்பந்தப்பட்டவர்கள் மீது நடவடிக்கை எடுக்க வேண்டும் என கேரள கத்தோலிக்க பிஷப் கவுன்சில் வலியுறுத்தி உள்ளது. அதோடு கேரள முதல்வர் பினராயி விஜயனும் இந்த சம்பவத்திற்கு உரிய நடவடிக்கை எடுக்க வேண்டும் மத்திய உள்துறை அமைச்சருக்கு கடிதம் எழுதி உள்ளார். அதில், இந்தச் சம்பவம் சர்வதேச அளவில் நமது தேசத்தின் நன்மதிப்பையும், பாரம்பரியமான மத சகிப்புத்தன்மை, வழிபாடு ஆகியவற்றின் மதிப்பையும் கெடுத்துவிடும். இதற்கு உச்சபட்ச கண்டனத்தைத் தெரிவித்து மத்திய அரசு நடவடிக்கை எடுக்க வேண்டும்" என தெரிவித்துள்ளார்.

இந்த சம்பவம் டுவிட்டரில் தேசிய அளவில் டிரெண்ட் ஆனது. #Nuns, #BajrangDal உள்ளிட்ட ஹேஷ்டாக்குகளில் பலரும் தங்களது கருத்துக்களை பதிவிட்டு வருகின்றனர். இதுவும் ஒரு வகையிலான மதத்தின் பேரிலான வன்முறை சம்பவம் தான். இதுபோன்று செய்பவர்கள் மீது உரிய நடவடிக்கை எடுக்க வேண்டும் என தங்களது கருத்துக்களை பதிவிட்டு வருகின்றனர்.

உலகின் மிக முக்கிய கடல் வர்த்தகப் பாதையான சூயஸ் கால்வாய், 193 கி.மீ. நீளமும், 24மீ ஆழமும், 205 மீ அகலமும் கொண்டது. 1869-ம் ஆண்டு செயற்கையாக உருவாக்கப்பட்ட இந்த சூயஸ் கால்வாய், எகிப்தின் வருவாயில் மிகப்பெரிய பங்களிப்பை செய்து வருகிறது. இந்த கால்வாயிலிருந்து, வருவாயை பெருக்கும் நோக்கில், எகிப்து அரசு 2015-ம் ஆண்டு பெரிய கப்பல்கள் பயணிக்கும் வகையில் கால்வாயை விரிவாக்கம் செய்தது.