ஜெனீவாவில் உள்ள ஐ.நா மனித உரிமைகள் கவுன்சில் இலங்கைக்கு எதிராக முன்வைக்கப்பட்ட தீர்மானம் வெற்றி பெற்றுள்ளது. இலங்கையில் நீண்டகாலமாகவும், தமிழர்களுக்கு எதிராக நிகழ்த்தப்பட்ட போர்க்குற்றங்கள், மனித உரிமை மீறல்கள், பாலியல் கொடுமைகள் குறித்து ஐ.நா. மனித உரிமை மன்றத்தில் தீர்மானம் கொண்டு வரப்பட்டு, வாக்கெடுப்பு நடைபெற்றது. ஐ.நாவின் தீர்மானத்திற்கு ஆதரவாக 22 நாடுகளும், சீனா உட்பட 11 நாடுகள் எதிராக வாக்களித்தனர். இந்தியா, ஜப்பான் உட்பட 14 நாடுகள் வாக்கெடுப்பில் கலந்து கொள்ளவில்லை. 

கடந்த மாதம் நடப்பு கவுன்சில் அமர்வின் தொடக்கத்தில், இலங்கை வெளியுறவு மந்திரி தினேஷ் குணவர்தன, இந்த தீர்மானத்தை அரசியல் நோக்கம் கொண்டதாகக் குற்றம் சாட்டினார்.

இலங்கையில் மகிந்த ராஜபக்சே அதிபராக இருந்த காலத்தில் ஈழத் தமிழர்களுக்கு எதிராக நடைபெற்ற இறுதி போரில், விடுதலைப் புலிகளின் தலைவர் பிரபாகரனை கொன்றுவிட்டு, அவர்களின் கட்டுப்பாட்டிலிருந்த அனைத்து பகுதிகளையும் இலங்கைப் படை கைப்பற்றியது. 2009 ஆம் ஆண்டு மே மாதம் 18 ஆம் தேதி விடுதலைப் புலிகளுக்கு எதிரான போர் முடிவுக்கு வந்தது. இந்த போரில் லட்சக்கணக்கான தமிழ் மக்கள் கொல்லப்பட்டதாக செய்திகள் வெளியாகின. 

இலங்கை அரசின் கொடூர வன்முறைக்கு எதிர்ப்பு தெரிவித்த பல நாடுகள், இதுதொடர்பாக விசாரணை நடத்த வேண்டும் என்று கோரிக்கைகள் வைத்தனர். இலங்கை போரில் பெண்கள் பாலியல் வன்கொடுமைகள் உட்பட பல மனித உரிமை மீறல்கள் நடத்தப்பட்டது. எனவே இலங்கை மீது சர்வதேச விசாரணை அமைக்க வேண்டும் என கடந்த பிப்ரவரி மாதம் பிரிட்டன் தீர்மானம் கொண்டு வந்தது.

இந்நிலையில், ஐ.நா மனித உரிமைகள் கவுன்சிலில் இலங்கைக்கு எதிராக முன்வைக்கப்பட்ட தீர்மானம் வெற்றி பெற்றுள்ளது.

இலங்கைக்கு எதிரான தீர்மானம் மீதான வாக்கெடுப்பில் கலந்து கொள்ளாமல் இந்தியா புறக்கணித்ததை அடுத்து, தமிழக அரசியல் கட்சிகள் கடும் கண்டனம் தெரிவித்து வருகின்றன.

தனது நிறுவன கார்களை யாராவது உளவு பார்க்க பயன்படுத்தினால், தனது நிறுவனம் மூடப்படும் என டெஸ்லா இன்க் தலைமை நிர்வாகி எலன் மஸ்க் கூறியுள்ளார். ”உளவு பார்த்து தொழில் செய்வதை விட, நான் என் நிறுவனத்தை மூடி விடுவதை மேலாகக் கருதுவேன்” என்று எலன் மஸ்க் கூறினார்.

"எந்தவொரு தகவலையும் நாங்கள் மிகவும் ரகசியமாக வைத்துக்கொள்ள வேண்டிய நிலையில் உள்ளோம்” என்று மஸ்க் வர்சுவல் சந்திப்பில் கலந்துரையாடிய போது ஒரு சீன மன்றத்தின் முன் கூறினார்.

வாகனங்களில் நிறுவப்பட்ட கேமராக்கள் குறித்த பாதுகாப்புகளை சுட்டிக்காட்டி, சீன இராணுவம் டெஸ்லா கார்களை அதன் வளாகங்களுக்குள் நுழைய தடை விதித்தது.

சீனாவின் இராணுவம் டெஸ்லாஸை தடை செய்துள்ளதாக வந்த செய்திகளுக்கு பதில் அளிக்கையில், உலகின் இரண்டு பெரிய பொருளாதாரங்களுக்கிடையில் அதிக பரஸ்பர நம்பிக்கை இருக்க வெண்டும் என்று மஸ்க் வலியுறுத்தினார். மாநில கவுன்சிலின் கீழ் ஒரு அறக்கட்டளையால் நடத்தப்படும் சீனா மேம்பாட்டு மன்றத்தில் நடந்த ஒரு உயர்மட்ட வர்த்தக கூட்டத்தில், உளவு பார்த்து தொழில் செய்வதை விட, நான் என் நிறுவனத்தை மூடி விடுவதை மேலாகக் கருதுவேன் என எலன் மஸ்க் கூறினார்.  

ஆதார் அட்டையில் புகைப்படத்தை மாற்ற UIDAI ஆஃப்லைன் சேவையை வழங்குகிறது. புகைப்பட மாற்றங்களுக்காக ஒவ்வொருவரும் அருகிலுள்ள ஆதார் மையத்தைப் பார்வையிட வேண்டும். இது தவிர, தபால் மூலம் விண்ணப்பம் செய்யலாம். எனவே பல ஆண்டுகளுக்கு முன் எடுத்த ஆதார் அட்டையில் உங்கள் படம் மிகவும் பழைய படமாக இருந்து, அதனை மாற்ற வேண்டும் என நினைத்தால், அதனை கீழ்கண்ட வழிமுறைகளை பின்பற்றி எளிதாக மாற்றலாம்:

1. அருகிலுள்ள ஆதார் சேர்க்கை மையம் அல்லது ஆதார் சேவா மையத்திற்கு செல்லவும்
2. UIDAI இணையதளமான https://uidai.gov.in/ என்ற வலைதளத்திற்கு செல்லுங்கள். ஆதார் பதிவு படிவத்தை பதிவிறக்கவும் (திருத்தம் படிவம் / புதுப்பிப்பு படிவம்)
3. படிவத்தை நிரப்பவும். படிவத்தை அருகிலுள்ள ஆதார் சேர்க்கை மையத்தில் சமர்ப்பித்து உங்கள் பயோமெட்ரிக் விவரங்களை வழங்கவும்
4. உங்கள் புகைப்படம் எடுக்கப்படும்
5. புதிய புகைப்படத்தை உங்கள் ஆதார் அட்டையில் புதுப்பிப்பார்கள். உங்களிடம் ரூ.25 + ஜிஎஸ்டி என்ற அளவில் கட்டணம் வசூலிக்கப்படும்
6. புதுப்பிப்பு கோரிக்கை எண் (Update Request Number-URN) கொண்ட ஒப்புதல் சீட்டு உங்களுக்கு வழங்கப்படும்
7. புகைப்படம் புதுப்பிக்கப்பட்டதா என்பதைச் சரிபார்க்க URN  எண்ணை பயன்படுத்தி தகவலை பெறலாம்.

வீட்டிலேயே செய்யலாம்

1. முதலில், UIDAI இன் அதிகாரப்பூர்வ வலைத்தளத்திற்கு செல்ல வேண்டும்.
2. ஆதார் அட்டை புதுப்பிப்பு திருத்தும் படிவத்தை பதிவிறக்கம் செய்ய வேண்டும். 
3. பின்னர் அனைத்து தகவல்களும் படிவத்தில் நிரப்பப்பட வேண்டும்.
4. படிவத்தை பூர்த்தி செய்த பிறகு, ஆதார் அட்டை புதுப்பிப்புக்காக UIDAI பிராந்திய அலுவலகம் என்ற பெயரில் ஒரு கடிதம் எழுதப்பட்டு பின்னர் சுய சான்றளிக்கப்பட்ட படத்தை இணைத்து கிளிக் செய்யவும்.
5. இரண்டு வாரங்களுக்குள் புதிய புகைப்படங்களுடன் ஆதார் அட்டை கிடைக்கும்.

இத்தாலியில் வீடு வாங்க நினைப்பவர்களுக்கு, இதைவிட சிறந்த வாய்ப்பு இல்லை என கூறலாம். ஏனென்றால், கற்பனை செய்து பார்க்க முடியாத அளவிற்கு வீடுகள் மிகவும் மலிவாக கிடைக்கும்.  இந்த வீடுகள் இத்தாலியில் புக்லியாவின் தென்கிழக்கில் பிக்காரியில் விற்பனைக்கு வந்துள்ளன. நகரின் மேயர் ஜியான் பிலிப்போ மிக்னெகன்  என்பவர், இந்த மலிவு விலை வீடு விற்பனைக்கான சிறப்பு திட்டத்தை கொண்டு வந்துள்ளார்.

பிகாரி நகரில் காலியாக உள்ள வீடுகளின் எண்ணிக்கை அதிகம். ஒரு காலத்தில் பிக்காரியில் 5000 க்கும் மேற்பட்ட மக்கள் வசித்து வந்தனர். ஆனால் இப்போது அந்த எண்ணிக்கை 2000 ஆக குறைந்துள்ளது. வேலைவாய்ப்பு மற்றும் பிற காரணங்களுக்காக மக்கள் பிற இடங்களுக்கு சென்றுவிட்டனர். 

இதற்கு முன்பு விடுமுறை காலத்திலாவது, மக்கள் தங்கள் வீடுகளுக்கு வந்து கொண்டிருந்தார்கள். ஆனால் இப்போது அவர்கள் ஒரேயடியாக நகரத்தை விட்டு வெளியேறுகிறார்கள். இதைக் கருத்தில் கொண்டு,  மக்களை ஈர்க்கும் நோக்கில் மேயர் கியான்ஃபிலிப்போ மிக்னோக்னா, இந்த சிறப்பு திட்டத்தை கொண்டு வந்துள்ளார். ஆனாலும், மக்கள் இங்கே வீடுகளை வாங்க ஆர்வம் காட்டவில்லை என்பது குறிப்பிடத்தக்கது.

வீடுகள் குறித்த தகவல்கள் விரைவில் டவுன்ஹால் வலைத் தளத்தில் வெளியிடப்பட்டுள்ளது. வீடு வாங்க விரும்புவோர் மேயரின் அதிகாரப்பூர்வ மின்னஞ்சலையும் தொடர்பு கொள்ளலாம். இந்த வீடுகள் மிகவும் பழைய வீடுகள், புதுப்பிக்கப்பட வேண்டும்.

பிக்காரி   நகரம் புக்லியா, மோலிசா மற்றும் காம்பானியா ஆகிய நகரங்களை எல்லைகளாக கொண்டுள்ளது. அங்கிருந்து பார்க்கும் போது அழகான நதி மற்றும் மலைத்தொடர்களைக் காணலாம்.

ஆதார் தொடர்பான அனைத்து தகவல்களையும் புதுப்பிக்க, UIDAI mAadhaar பயன்பாட்டை மத்திய அரசு உருவாக்கியுள்ளது, அதில் இருந்து 1 கிளிக்கில் 35 தகவல்கள் கிடைக்கும்.

ஆதார்   தொடர்பான பிரச்சினைகளுக்கு நீங்கள் இனி ஆதார் சேவா மையத்தைப் பார்க்க வேண்டியதில்லை. ஆதார் அட்டை மறு அச்சிடுதல், முகவரி புதுப்பிப்பு, ஆஃப்லைன் இ-கேஒய்சி, கியூஆர் கோட்ஷோ அல்லது ஸ்கேன், ஆதார் சரிபார்ப்பு, அஞ்சல் / மின்னஞ்சல் சரிபார்க்கப்பட்ட சரிபார்ப்பு போன்ற 35 சேவைகளை mAadhaar பயன்பாட்டின் மூலம் பெறலாம். இதற்காக, நீங்கள் mAadhaar பயன்பாட்டைப் பதிவிறக்க வேண்டியதில்லை.

கூகிளின் பிளே ஸ்டோரிலிருந்து mAadhaar பயன்பாட்டை எளிதாக பதிவிறக்கம் செய்யலாம். இதன் பின்னர், இந்த பயன்பாட்டின் மூலம் அரசாங்க வசதிகளைப் பெற முடியும். இந்த பயன்பாட்டின் நோக்கம், மக்கள் மீண்டும் மீண்டும் ஆதார் மையத்தை சுற்றி வர வேண்டிய பிரச்சினையை அகற்றுவதாகும். டிஜிட்டல் இந்தியாவின் இந்த சகாப்தத்தில், பெரும்பாலான பணிகள் ஆன்லைனில் செய்யப்படுகின்றன. இந்த வரிசையில், இந்த mAadhaar பயன்பாடும் செய்யப்பட்டுள்ளது.  இதனை வீட்டிலிருந்தே பயன்படுத்தலாம்.

வட கொரியா அரசு நாடு முழுவதிலும் ஆபாசத்திற்கு எதிரான பிரச்சாரத்தை முன்னெடுத்துள்ளது. இங்கு ஆளும் தொழிலாளர் கட்சியும் பள்ளிகளில் ஆபாசத்திற்கு எதிரான விழிப்புணர்வு பிரச்சாரத்தைத் தொடங்கியுள்ளது.  ஆபாச படங்களை தயாரிப்பதில் ஈடுபடும் நபர்கள், அல்லது அதை வாங்கி விற்பனை செய்வது  ஆகியவற்றுக்கு மரண தண்டனை தண்டனை கூட விதிக்கப்படுகிறது.

நாட்டின் அதிபர் கிம் ஜாங் உன் ஆபாச படத்தைப் பார்ப்பதால், சமூக சீரழிவு ஏற்படும் என கருதுகிறார். இந்நிலையில், பள்ளியில் படிக்கும் சிறுவன் ஒருவன் ஆபாசப் படத்தைப் பார்த்ததை அறிந்த கிம் ஜாங் உன், சிறுவனுக்கு மட்டுமல்ல,  குடும்பம் முழுவதிற்கும் கடுமையான தண்டனையை வழங்கினார்.

வட கொரியா காவல்துறையினர் கணினியின் IP முகவரியைக் கண்டுபிடித்து, ஆபாச படத்தைப் பார்த்துக் கொண்டிருந்தபோது சிறுவனை கையும் களவுமாக பிடித்தனர்.

ஆபாச படத்தைப் பார்த்ததற்கான தண்டனையாக, சிறுவனையும் அவனது குடும்பத்தினரையும் நாட்டை விட்டு வெளியேற்றி விட்டனர்.

சிறுவன் படித்த பள்ளி தலைமை ஆசிரியரும் தப்பிக்கவில்லை. வட கொரியா விதிகளின்படி, பள்ளி குழந்தைகள் ஏதேனும் தவறு செய்தால் பள்ளியின் தலைமை ஆசிரியர் மற்றும் ஆசிரியரும் அதற்கு பொறுப்பேற்கிறார். இந்த வழக்கில், ஆசிரியர் தனது பொறுப்பை நிறைவேற்றுவதில்  தவறிவிட்டதாக கூறி, அவருக்கும் தண்டனை வழங்கப்பட்டது.