திருவாரூர் திருவாரூர் மாவட்டம் குடல்வாசல் அருகில் உள்ளது இத்தலம். இத்தலத்து மூலவர் பாம்புரநாதர் என்று அழைக்கப்படுகிறார்.

இத்தலத்திற்கு சேஷபுரம் என்று பெயர் சொல்லப்படுகிறது.

ஒருமுறை ஆதிசேஷனுக்கும் வாயுவுக்கும் போர் ஏற்பட்டது. வாயு பகவான் காற்றை நிறுத்த சகல உயிர்களும் மூச்சுத் திணறின. தேவர்கள் ஆதிசேஷனையும் வாயுவினையும் போரினைக் கைவிடும்படி கேட்டுக் கொண்டனர்.

ஆதிசேஷன் போரிலிருந்து விலகி இத்தலத்திற்கு வந்து சிவபூஜை செய்து வழிபட்டார். இதனால் மூலவருக்கு சேஷபுரீஸ்வரர் என்ற பெயரும் ஏற்பட்டது. ஊர் சேஷபுரம் என்றும் அழைக்கப்பட்டது.

இன்னொரு தலபுராணம்

ஒரு சமயம் கயிலாயத்தில் பார்வதியும் சிவபெருமானும் அமர்ந்திருந்த சமயத்தில் அங்கு வந்த விநாயகப் பெருமான¢ பெற்றோருக்கு வணக்கம் தெரிவித்தார்.

தனக்கும் சேர்த்துதான் இந்த வணக்கம் என்று சிவபெருமான¢ கழுத்திலிருந்த நாகம் கர்வம் கொண்டு தலையை அசைத்தது.

இதனால் நாக இனம் முழுவதும் தன் சக்தியை இழக்கட்டும் என்ற சாபம் பெற்றது.

சக்தியை இழந்த நாகங்கள், ஆதிசேஷன் தலைமையில் ஒன்று திரண்டன. வாசுகி, கார்கோடகன், தட்சகன், அனந்தன், சங்கபாலன், குலிகள், பத்மன், மகாபத்மன் என்ற நாகங்களும் இந்தக் கூட்டத்தில் இருந்தன.

அவை அனைத்தும் சிவபெருமானைச் சென்று வணங்கி நாகம் செய்த தவற்றை மன்னித்து விடுங்கள் என்று வேண்டிக் கொண்டன.

ஒருநாகம் செய்த தவறுக்காக எங்கள் அனைவரையும் தண்டிப்பதா என்று இறைஞ்சினர்.

சிவபெருமான் கருணை கொண்டு, திருபாம்புரம் தலத்திற்கு சிவராத்திரியன்று சென்று வழிபாடு செய்யுங்கள், சாபவிமோசனம் கிடைக்கும் என்று அருள் புரிந்தார்.

அனைத்து நாகங்களும் அவ்வாறே சாபநிவர்த்தி அடைந்தன.

நாகங்கள் வந்து வழிபட்ட இத்தலத்திற்கு வந்து மக்கள் வழிபாடு செய்தால் நாகதோஷம், காலசர்ப்பதோஷம், ராகு, கேது தோஷம் அனைத்தும் நீங்கும் என்பது நம்பிக்கை.

சுமார் 900 வருடங்களுக்கு முன்பு திருமங்கலத்திலிருந்து தெற்கே 20 கி.மீ. தொலைவில் #மோதகம் என்ற இடத்தில் இருக்கும் ஒரு குன்றின் மேல் கட்டப்பட்ட குடவரைக் கோவில்.

இன்றைக்கு மோதகம் என்றழைக்கப்பட்ட அந்த ஊர் இல்லை.

முழுக்க முழுக்க கருங்கல்லால் ஆன மண்டபங்கள், அவற்றைத் தாங்கும் பிரமாண்ட தூண்கள், அதில் திருமாலின் பல்வேறு அவதாரங்களை விளக்கும் சிற்பங்கள் என அனைத்தையும் ஒரே ஒரு செங்குத்துப் பாறை போன்ற ஒரு குன்றில், குன்றைக் குடைந்து அடிவாரத்தில் அரங்கநாதருக்கு ஒரு குடவரைக் கோயிலும், குன்றின் மேல் கோபால் சாமிக்கு ஒரு கோவில் என இரு வகையானக் கோயில்களைக் அக்காலத்தில் கட்டியிருக்கிறார்கள்.

வழக்கம்போல பாறைகளை எப்படி எதை வைத்துப் பிளந்தார்கள்? எப்படி சிற்பங்களை செதுக்கினார்கள்? எப்படி கீழிருந்து மேலே கொண்டு சென்றார்கள் போன்ற. வியப்புகளையெல்லாம் தாண்டி, அதிசயிக்க வைக்கும் ஒரு விசயம் Nature ventilation by air circulation - அதாவது இயற்கையின் துணை கொண்டு அமைக்கப்பட்ட காற்றோட்டம்.

குன்றின் மேல் கோபால் சாமி சந்நிதி மிகக்குறுகியது. மிக அதிகம் புழுக்கம் கொண்ட இடம்.

அந்த இடத்தில் குளுகுளு காற்றோட்டத்தை அதுவும் 900 வருடங்களுக்கு முன்னர் இயற்கையான முறையில் உருவாக்கியிருப்பது "காற்றோட்ட அறிவியலின் உச்சம் "

நம் வியப்பிற்கெல்லாம் சிகரம் வைத்தார்போல் இருப்பது அறிவியலால்கூட. விளக்க முடியாமல் இருப்பது. அந்த செங்குத்துக் குன்று இரண்டாகப் பிரிந்து, அதில் கருடன் கை கூப்பி வணங்கியது போன்ற ஒரு சிலை மாதிரியான அமைப்புத் தெரியும்.

உண்மையில் இது சிலையுமல்ல! யாரும் செதுக்கியதும் அல்ல!

கருடன் தன் முதுகில் கோபால் சாமியை வைத்துக் கொண்டு வணங்கியது போல, தானாகவே காற்றின் போக்கால் இயற்கையாக அமைந்தப் பாறை.