ஆன்லைனில் நிதி பரிமாற்றத்திற்கான பிரபலமான தேசிய மின்னணு நிதி பரிமாற்ற அமைப்பு (நெப்ட்) தொழில்நுட்ப மேம்பாடு காரணமாக வரும் சனிக்கிழமை நள்ளிரவு முதல் ஞாயிற்றுக்கிழமை பிற்பகல் வரை 14 மணி நேரம் பொதுமக்கள் பயன்படுத்த முடியாது என ரிசர்வ் வங்கி தெரிவித்துள்ளது.

தேசிய மின்னணு நிதி பரிமாற்றம் (நெப்ட்) என்பது இந்திய அளவிலான ரிசர்வ் வங்கியின் சொந்தமான மற்றும் இயக்கப்படும் நாடு தழுவிய மையப்படுத்தப்பட்ட பணப்பரிமாற்ற சேவை முறையாகும்.

இது ஆண்டின் அனைத்து நாட்களிலும் மக்களுக்கு கிடைத்து வருகிறது.

செயல்திறன் மற்றும் பின்னடைவை மேம்படுத்துவதை இலக்காகக் கொண்ட நெப்ட்இன் தொழில்நுட்ப மேம்படுத்தல் 2021 மே 22 ஆம் தேதி வணிகத்தை முடித்த பின்னர் திட்டமிடப்பட்டுள்ளது என்று ரிசர்வ் வங்கி ஒரு அறிக்கையில் தெரிவித்துள்ளது.

அதன்படி, 2021 மே 23, ஞாயிற்றுக்கிழமை அன்று 00:01 மணி முதல் 14:00 மணி வரை நெப்ட் சேவை கிடைக்காது. இந்த காலகட்டத்தில் ஆர்டிஜிஎஸ் அமைப்பு வழக்கம் போல் தொடர்ந்து செயல்படும்” என்று ரிசர்வ் வங்கி தெரிவித்துள்ளது.

ஆர்டிஜிஎஸ் அமைப்பிலும் இதேபோன்ற தொழில்நுட்ப மேம்படுத்தல் ஏப்ரல் 18, 2021’இல் நிறைவடைந்தது குறிப்பிடத்தக்கது. உயர் மதிப்பு நிதி பரிமாற்றங்களுக்கு ஆர்டிஜிஎஸ் வசதி பயன்படுத்தப்படுகிறது. நெப்ட் என்பது நிகழ்நேர நிதி பரிமாற்ற வசதி ஆகும். நெப்ட் தற்போது நாள் முழுவதும் அரை மணி நேர இடைவெளியில் தொகுப்பாக இயங்குகிறது.

நிதி பரிமாற்றத்தைத் தவிர, அட்டை வழங்கும் வங்கிகளுக்கு கிரெடிட் கார்டு நிலுவைத் தொகை செலுத்துதல், கடன் ஈ.எம்.ஐ செலுத்துதல் மற்றும் உள் அந்நிய செலாவணி பணம் அனுப்புதல் உள்ளிட்ட பல்வேறு பரிவர்த்தனைகளுக்கும் நெஃப்ட் அமைப்பு பயன்படுத்தப்படுகிறது.

முகக்கவசங்களை நாம் அனைவரும் அணிந்தாலும், அவற்றை எப்படி சரியான முறையில் அணிய வேண்டும் என்பது பலருக்குத் தெரிவதில்லை. இதன் காரணமாக, நாம் பல தவறுகளை செய்து விடுகிறோம். இதனால், பலர் முகக்கவசம் அணிந்திருந்தாலும் தொற்றுக்கு ஆளாகிறார்கள்.

1. முகக்கவசத்தை அணிந்தபின்னர், பலர் அதை மீண்டும் மீண்டும் தொடுவதை நாம் அடிக்கடி பார்கிறோம். இது மிகப்பெரிய தவறாகும். முகக்கவசத்தின் வெளிப்புறத்தில் நோய்த்தொற்று பரவும் வைரஸ்கள் இருக்கலாம். எனவே முகக்கவசத்தை மீண்டும் மீண்டும் தொடுவது ஆபத்தை விளைவிக்கும். மேலும், ஒரே முகக்கவசத்தை மீண்டும் மீண்டும் அணிய வேண்டாம்.  ஏனென்றால் நாம் முகக்கவசத்தை அகற்றி கிருமி உள்ள இடத்தில் வைத்தால், அதை மீண்டும் அணிவதன் மூலம், தொற்று மூக்கு மற்றும் வாய் வழியாக உடலில் நுழைய வாய்ப்புள்ளது. 

2. மூக்கை கூட மூடாமல் சிலர் முகக்கவசம் அணிகிறார்கள். இது பெரிய தவறாகும். அமெரிக்காவின் சி.டி.சி (நோய் கட்டுப்பாடு மற்றும் தடுப்பு மையம்) படி, மூக்கு, வாய் மற்றும் கன்னம் ஆகியவற்றை உள்ளடக்கிய முகக்கவசத்தை தான் மக்கள் அணிய வேண்டும். முகக்கவசம் முகத்தில் நன்றாக பொருந்த வேண்டும். முகக்கவசத்தை சரியாக அணியாவிட்டால், கொரோனா தொற்று ஏற்படும் அபாயம் அதிகம் உள்ளது.

3. முகக்கவசத்தை தொட்ட பிறகு ஒவ்வொரு முறையும் உங்கள் கைகளைக் கழுவ வேண்டும். முகக்கவசத்தை அணிவதற்கு முன்பும், அதை நீக்கிய பின்னும், கைகளை நன்கு சோப்பு நீரில் அல்லது ஒரு சானிட்டைசர்  மூலம் சுத்தம் செய்வது மிகவும் முக்கியமாகும். முகக்கவசத்தை அணிவதற்கு முன்பு கைகளைக் கழுவுவது முகக்கவசத்தில் தொற்று வைரஸ் இல்லாமல் இருப்பதை உறுதி செய்யும். மேலும் முகக்கவசத்தை அகற்றிய பின், உங்கள் கைகளைக் கழுவுவது முகக்கவசத்தில் வைரஸ் இருந்தாலும் அதை நீங்கள் பரப்பாமல் இருப்பதை உறுதி செய்யும். 

4. முகக்கவசத்தை அணிவது மட்டும் போதாது. சுத்தமான முகக்கவசத்தை அணிவது முக்கியமாகும். டிஸ்போசபில் முகக்கவசங்களுக்கு இது தேவையில்லை. ஆனால் நீங்கள் துணியால் ஆன மறுபயன்பாட்டு முகக்கவசத்தைப் பயன்படுத்தினால், அவற்றை வெதுவெதுப்பான நீர் மற்றும் சோப்பால்  நன்கு சுத்தம் செய்து வெயிலில் உலர வைக்க வேண்டும்.  சுத்தம் செய்யாமல் மீண்டும் மீண்டும் முகக்கவசத்தை அணிவது தொற்றுநோயை அதிகரிக்கும்.

5. கோடைகாலத்தில் அடிக்கடி வியர்ப்பதால் நீண்ட நேரம் முகக்கவசத்தை அணிவதால் முகக்கவசம் ஈரமாகிவிடும். முகக்கவசம் ஈரமாகிவிட்டால், உடனடியாக அதை மாற்றவும். கொரோனா வைரஸிலிருந்து உங்களைப் பாதுகாக்க ஈரமான முகக்கவசம் பயனுள்ளதாக இருக்காது என்று WHO அறிவுறுத்தியுள்ளது. எனவே முகக்கவசம் ஈரமாகி விட்டால் அதை உடனடியாக மாற்றி விடவும். 

1997-ல் விடுதலைப்புலிகளை மையப்படுத்தி மல்லி என்ற படத்தை சந்தோஷ் சிவன் இயக்கினார். டெரரிஸ்ட் என்ற பெயரில் அப்படம் உலகம் முழுவதும் வெளியானது. 19 வயது நிரம்பிய மல்லி என்ற இளம் பெண் மனித வெடிகுண்டாக மாறி, அரசியல் தலைவரை கொலை செய்ய புறப்படுவது கதை. மனித வெடிகுண்டாக மாறுவது என்று தீர்மானித்த பிறகே மல்லிக்கு தான் கர்ப்பமாக இருப்பது தெரியவரும். உயிரின் விலையை அறிந்து கொள்ளும் மல்லி தனது முடிவை மாற்றினாளா இல்லையா என்பது கதை.

ஈழப்போர் என்பது அசாதாரணமான நெருக்கடி. அந்த நெருக்கடியை எதிர்கொள்ளும் மனிதர்கள் எடுக்கும் முடிவுகளை, அவர்களின் நியாயங்களை, சராசரி மனிதர்களின் உணர்வுகளுடனும், அறங்களுடனும் ஒப்பிட்டு எடுக்கப்படும் திரைப்படங்கள், பாதிக்கப்பட்ட மனிதர்களின் உணர்வுகளை மதிக்கவும், தெரிந்து கொள்ளவும் தவறிவிடுகின்றன. அந்த தவறுதல் தான் மல்லி திரைப்படமும்.

இதுபோன்ற படங்கள் வெளியாகும் போது சர்ச்சைகளும், எதிர்ப்புகளும் கிளம்பும். அப்படி 2014 -ல் எதிர்ப்பை சந்தித்த ஈழத்தமிழர் குறித்த திரைப்படம், இனம்.

ஒளிப்பதிவாளர் சந்தோஷ் சிவன் இயக்கிய இந்தப் படத்தை லிங்குசாமி விநியோகித்திருந்தார். எதிர்ப்பை மீறி வெளியான படம் ஒரே வாரத்தில் திரையரங்குகளிலிருந்து தூக்கப்பட்டது.

இனம் திரைப்படத்துக்கு எழுந்த எதிர்ப்புக்கு மல்லியும் ஒரு காரணம். படம் வெளியாகி 7 வருடங்கள் கழிந்த நிலையில் இனம் படத்தை ஓடிடியில் சந்தோஷ் சிவன் வெளியிடுகிறார். படம் எந்த ஓடிடி தளத்தில், எப்போது வெளியாகும் என்பதை அவர் குறிப்பிடவில்லை.

இனத்தில் கருணாஸ், கரண், சரிதா, ஷியாம் சுந்தர் உள்பட பலர் நடித்திருந்தனர்.

83 வயதான அமோ (Amou Haji), 65 ஆண்டுகளாக தனது உடலில் ஒரு சொட்டு நீர் (Water) கூட படாமல் தன்னை பாதுகாத்து வருகிறார். ஏனெனில் அவர் தண்ணீரைக் கண்டால் அச்சம்! குளித்தால் அவருக்கு நோய் வந்துவிடும் என்று பயப்படுகிறார்! 

அமோ ஹாஜிக்கும் சுத்தத்துக்கும்  ஏணி வைத்தாலும் எட்டாத தூரம். அவருக்கு சுத்தம்  என்றாலே அலர்ஜி! தான் குளிக்கவில்லை என்பதோடு, தான் பயன்படுத்தும் பொருட்களையும் சுத்தம் செய்யும் பழக்கமே அவருக்கு கிடையாது. ஈரானில் வசிக்கும் அமோ ஹாஜி, கடந்த 65 ஆண்டுகளாக குளிக்கவில்லை என்று கூறுகிறார். அமோ ஹாஜியின் வாழ்க்கை முறையும் அதிர்ச்சளிப்பதாகவே இருக்கிறது.  

அவரைப் பொறுத்தவரை,  குளிக்காமல் அழுக்காக இருப்பதால் தான் ஆரோக்கியமாக இருக்கிறார் என்கிறார். ஆனால்,  இத்தனை ஆண்டுகளாக குளிக்காமல் நாற்றத்துடன் இருக்கும் Amou Haji, இதன் காரணமாக கிராமத்திற்கு வெளியே தான் தங்க வேண்டியிருக்கிறது.  

இந்த அழுக்கு மனிதரின் உணவுப் பழக்க வழக்கங்களும் வித்தியாசமானதாகவே இருக்கிறது. இறந்த விலங்குகளின் அழுகிய இறைச்சியை சாப்பிடுவதே அவருக்கு பிடிக்குமாம்! அந்த விலங்குகள் விபத்தில் இறந்திருந்தாலும் சரி, இயற்கை வழியில் இறந்திருந்தாலும் சரி, அது பற்றி அவருக்கு கவலையில்லை! அசைவ உணவையே விரும்பி சாப்பிடும் அமாவு, அழுகிய உள்நாட்டு கீரைகள் மற்றும் காய்கறி உணவுகளையும் விரும்புகிறார். அமோவுக்கு வீட்டில் தயாரிக்கப்பட்ட சுவையான உணவு சாப்பிட பிடிக்கவே பிடிக்காது!

Amou ஹாஜிக்கு சொந்தமாக வீடு கூட இல்லை. அவர் தனது கிராமத்திலிருந்து வெகு தொலைவில் இருக்கும் வெட்டவெளியில் வசிக்கிறார்.  இருப்பினும், கிராமவாசிகள் Amou-க்காக ஒரு சிறிய குடிசையை கட்டிக் கொடுத்துள்ளனர். ஆனால் அவருக்கு வெட்டவெளியே பிடித்திருக்கிறதாம்.  இவ்வளவு அழுக்காக இருந்தாலும், அழுகிய மாமிசத்தையும், காய்கறிகளையும் சாப்பிட்டாலும் அவருக்கு எந்தவித நோயோ தொற்றொ இல்லை என்பது அதிசயம் தான்.

அமாவுக்கு சிகரெட் புகைப்பது மிகவும் பிடிக்குமாம்… சிகரெட் புகைப்பதிலும் அமோ வித்தியாசமானவர் தான்.  ? தனது சிகரெட் பைப்பில், விலங்குகளின் உலர்ந்த மலத்தை போட்டு புகைப்பாராம்! இந்த உலகின் அனைத்து வசதிகளையும் துறந்துவிட்டு, இப்படி வாழ்வது தான் தனக்கு பிடித்திருப்பதாக உலகின் அழுக்கு மனிதர் கூறுகிறார்.

2022ஆம் ஆண்டுக்குள் பிரான்ஸ் தலைநகர் பாரிஸில் கார் போக்குவரத்தை வெகுவாகக் குறைக்கும் திட்டம், நகர சபையால் முன்வைக்கப்பட்டுள்ளது.

இந்த திட்டம் நான்கு மத்திய மாவட்டங்களில் போக்குவரத்து மூலம் தடைசெய்யப்பட்டு, சைக்கிள் ஓட்டுநர்கள், பாதசாரிகள் மற்றும் பொது போக்குவரத்துக்கு முன்னுரிமை அளிக்கும்.

இதன்மூலம், குறைந்த போக்குவரத்து மண்டலம், குறைவான மாசுபட்ட, பசுமையான, அமைதியான மற்றும் பாதுகாப்பான நகரமாக மாறும் என்று நகர சபை கூறுகிறது.

பரிஸில் வசிப்பவர்களுடன் புதிய பாதசாரித் திட்டம் குறித்த ஆலோசனை தொடங்கப்பட்டது. குடியிருப்பாளர்கள் மற்றும் வணிகர்கள் இன்னும் மத்திய பகுதியில் வாகனம் ஓட்ட அனுமதிக்கப்படுவார்கள். ஆனால் போக்குவரத்து மூலம் தடை செய்யப்படும்.

பாரிஸ் நகர மண்டபம் ஒரு முன்மொழியப்பட்ட வரைபடத்தை வெளியிட்டது. இதில் சேர்க்கப்பட வேண்டிய பகுதியைக் காட்டுகிறது. இது கிழக்கில் பாஸ்டில் முதல் மேற்கில் டூலெரிஸ் வரை நீண்டுள்ளது. மேலும் செயிண்ட் ஜெர்மைனின் ஒரு பகுதி உட்பட சீனின் இரு கரைகளையும் உள்ளடக்கியது.