இருபதுகளில் பார்க்கும் வேலையில் திருப்தி கிடைக்கவில்லை என்றால், முப்பதுகளில் நீங்கள் வேலையை மாற்றிப் பார்க்கலாம். புதிய துறைக்கு மாற அல்லது புதியவற்றை கற்றுக்கொள்ள தயாராக இருக்கின்றனர். நீங்களும் மாற்றத்தை விரும்பினால், நீங்கள் செய்ய வேண்டிய விஷயங்கள் இதோ:
தொழில்முறையில் என்ன வாய்ப்புகள் இருக்கின்றன என்று உங்களுக்கு தெரிந்திருக்கும். இருந்தாலும்கூட புதிய பார்வையுடன் அணுக வேண்டும். அண்மைக்கால போக்குகளை தெரிந்து கொள்ள நிறைய படியுங்கள், பேசுங்கள், விசாரியுங்கள். நீங்கள் சேரக்கூடிய வகையிலான குறுகிய கால வகுப்புகள் இருக்கின்றனவா என தேடிப் பாருங்கள். இது மாற்றத்திற்கான பாதையை எளிதாக்குவதோடு, அதை எட்டுவதற்கான உங்களது தன்னம்பிக்கையையும் அதிகமாக்கும்.
நீங்கள் பார்த்துக்கொண்டிருந்த வேலை பல்வேறு வசதி வாய்ப்புகளை கொடுத்திருக்கும். அந்த வாழ்க்கை முறைக்கு நீங்கள் பழகியிருப்பீர்கள். இதிலிருந்து ஒரு அடி பின்னோக்கி வைக்க முடியுமா என யோசித்துப் பாருங்கள். உங்கள் டெபாசிட்கள் மற்றும் சேமிப்பை சரி பாருங்கள். புதிய வேலை கிடைக்கும் வரை அவை போதுமானதா என ஆய்வு செய்யுங்கள். வேலையில் இருந்து விலகி புதிய வேலையை தேடுவது நல்லது தான், ஆனால் பண விஷயத்தை சரி செய்து கொள்வது இன்னும் புத்திசாலித்தனமானது.
வேலை தேடுபவர்களுக்கு விரும்பிய சம்பளத்தை கேட்டுப் பெறுவது சிக்கலாக இருக்க வேண்டியதில்லை.
இவ்வளவு சம்பளம் வேண்டும் என்று நேரடியாக கேட்பது மூலம் நீங்கள் போதிய ஆய்வு செய்திருக்கிறீர்கள் என நிறுவன மேலதிகாரியை உணர வைக்கும். உதாரணத்திற்கு ஆண்டுக்கு `10,04,500 வேண்டும் என கேட்டு, இறுதியில் `10,00,000 என இறங்கி வரலாம். கொலம்பியா பிஸ்னஸ் ஸ்கூல் ஆய்வும் இது ஒரு புத்திசாலித் தனமான வியூகம் என்று சொல்கிறது.
திறந்த மனதுடன் பேசுவது நம்பிக்கையை உண்டாக்கும். சம்பள பேச்சு வார்த்தையின் போது நீங்கள் முற்போக்காக இருக்க வேண்டும் என்றில்லை. பாலின சம்பள இடைவெளி, வேலை&-வாழ்க்கை சமன்பாடு போன்றவை குறித்து உங்கள் கருத்துக்களை கூறலாம். இதன் மூலம் உங்கள் மனநிலையை புரிய வையுங்கள். நிறுவனங்கள் தங்கள் வாடிக்கையாளர்களை புரிந்துகொள்ளக்கூடியவர்கள் மீதுதான் முதலீடு செய்யத்தயாராக இருக்கின்றன.
சம்பள உயர்வு நெருங்கும் காலத்தில் அல்லது அதற்கான செயல்பாடு பரிசீலனை காலம் முடிந்த பிறகு நீங்கள் பணியில் சேரும் நிலை இருந்தால் சம்பள உயர்வு பற்றி பேசுங்கள். சம்பள உயர்வுக்கான வாய்ப்பை நீங்கள் இழப்பதால், சக ஊழியர்கள் கூடுதல் சம்பளம் பெறும் போது அடுத்த ஒராண்டுக்கு நீங்கள் அதே சம்பளத்தில் தான் இருக்க வேண்டியிருக்கும் என எடுத்துச்சொல்லுங்கள்.
நேராக பாருங்கள். ஆனால் ஊடுருவும் வகையில் அல்ல. மேலதிகாரி வாய் மற்றும் கண்களைச் சுற்றி ஒரு தலைகீழ் முக்கோணத்தை கற்பனை செய்யுங்கள். ஒரு புள்ளியில் இருந்து இன்னொரு புள்ளிக்கு 5 அல்லது 10 விநாடிகளுக்கு பார்வையை மாற்றுங்கள்.
வேலைக்கான பேச்சு வார்த்தையின் போது, சம்பளத்திற்கு அடுத்து ரேங்க் முக்கியம் என தெரிவிக்கலாம். “முன்னுரிமைகளை வரிசைப்படுத்துவதன் மூலம் உங்களைப்பற்றி புரிய வைக்கலாம். அவர்களது முன்னுரிமை களை தெரிந்துகொண்டு முக்கிய விஷயங் களில் பரஸ்பரம் சாதகமான அம்சங்களை பெறலாம்”.
ஒருவர் தன்னைப்பற்றி பேச வைப்பது நல்ல தாக்கம் உண்டாக்குவதாக ஆய்வுகள் தெரிவிக்கின்றன. இது ஒருவரை ரிஸ்க் எடுக்க தூண்டும் டோப்பமைனை சுரக்க வைக்கிறது. நிறுவன அதிகாரிகளை பேச வையுங்கள்- அவர்கள் உங்கள் மீது நம்பிக்கை வைக்கலாம்.
நிறுவனம் பங்குகளைத் தருவதாகக் கூறினால் சந்தை நிலையை கவனித்து நிறுவன பங்குகள் செயல்பாட்டை ஆய்வு செய்யவும். உங்கள் வேலைக்கு குறிப்பிட்ட பயிற்சிகள் பெற வேண்டுமென்று கூறினால், அதற்கான கட்டணத்தை ஏற்றுக் கொள்ளும்படி கேட்கலாம்.
சம்பள பேச்சுக்களின் போது கால்களை இடைவெளி விட்டு விரித்து, கைகளை இடுப்பில் வைத் திருக்கும் பவர் போஸ் மூலம் உடல் ரசாயனத்தை மாற்றலாம் என்கிறது ஹார்வர்டு பிஸ்னஸ் ஸ்கூல் பேராசிரியர் ஆமி கெட்டி நடத்திய ஆய்வு. இது நம்பிக்கையை அதிகரிக்கும் டெஸ்டோஸ்டெரோனை அதிகமாக்கி மன அழுத்தம் உண்டாக்கும் கார்டிசாலை குறைவாக சுரக்க வைக்கிறது.
