பாரத ஸ்டேட் வங்கியின், 'ஆன்லைன்' சேவையில் சிக்கல் ஏற்பட்டதால், பணப் பரிமாற்றம் செய்ய முடியாமல் வாடிக்கையாளர்கள் அவதியடைந்தனர்.

கடந்த, 2020 - 21ம் நிதியாண்டு முடிந்து, 2021 -- 22ம் புதிய நிதியாண்டு துவங்கியது. அனைத்து வர்த்தக நிறுவனங்களும், வங்கிகளும், தங்களின் புதிய நிதியாண்டுக்கான கணக்கை துவக்கின.இந்நிலையில், எஸ்.பி.ஐ., என்ற பாரத ஸ்டேட் வங்கியின் ஆன்லைன் சேவை, முழுதும் செயல்படவில்லை என, வாடிக்கையாளர்கள் புகார் தெரிவித்தனர்.

புதிய நிதியாண்டு துவக்கம் என்பதால், நேற்று வங்கி சேவை இல்லை; ஆன்லைன் வாயிலாகவும் எந்த சேவையையும் மேற் கொள்ள முடியவில்லை. எஸ்.பி.ஐ.,யின், 'யோனோ' செயலி மற்றும் ஆன்லைன் வங்கி சேவையும் செயல்பட வில்லை. 'பேடிஎம், கூகுள் பே' போன்ற பணப் பரிவர்த்தனை செயலிகள் வாயிலாகவும், சேவைகளை மேற்கொள்ள முடிவில்லை.ஆன்லைன் வங்கி சேவையின் தரத்தை உயர்த்தும் வகையில், பராமரிப்பு பணி நடப்பதாக, இணையதளத்தில் அறிவிக்கப்பட்டுள்ளது.

ஆனால், இதுகுறித்து எந்த முன்னறிவிப்பும் செய்யப்படவில்லை. இதனால், பணப் பரிமாற்றம் செய்ய முடியாமல், மிகுந்த சிரமத்திற்கு உள்ளானதாக வாடிக்கையாளர்கள் தெரிவித்தனர். 

சப்போட்டாவைத் தொடர்ந்து சாப்பிட்டு வந்தால் நம் உடல் ஆரோக்கியம் பாதுகாக்கப்படும். மருத்துவம் குணமிக்க இந்த பழத்தை சாப்பிடுவதால் பல்வேறு நன்மைகள் ஏற்படுகின்றன.

*சப்போட்டா பழத்தை அடிக்கடி சாப்பிட்டு வருபவர்களுக்கு, குடல் புற்றுநோய் ஏற்படாது. இதில் கால்சியம், பாஸ்பரஸ் சத்துக்கள் கணிசமாக இருப்பதால் எலும்புகளை வலுப்படுத்தும்.

*சப்போட்டா கூழுடன், எலுமிச்சம்பழச்சாறு சேர்த்துப் பருகினால் சளி குணமாகும்.

*சப்போட்டா அடிக்கடி சாப்பிட்டு வந்தால் மேனி பளபளப்பாக மாறும்.

*பித்தத்தைப் போக்கும் குணம் சப்போட்டா பழத்துக்கு உண்டு. சப்போட்டா பழத்தை சாப்பிட்ட பிறகு, ஒரு தேக்கரண்டி சீரகத்தை நன்கு மென்று விழுங்கினால் பித்தம் விலகும். பித்த மயக்கத்துக்கு இது நல்ல மருந்து.

*சப்போட்டா கூழுடன் சிறிது சுக்கு, சித்தரத்தை பொடித்து, கொஞ்சம் கருப்பட்டியும் பொடித்து நன்றாகக் காய்ச்சிக் குடித்தால் சாதாரண காய்ச்சல் குணமாகும்.

*ஆரம்ப நிலை காச நோய் உள்ளவர்கள் சப்போட்டாப்பழக்கூழ் குடித்து, ஒரு நேந்திரம் பழமும் சாப்பிட்டு வர காச நோய் குணமாகும்.

*மூலநோய் உள்ளவர்களுக்கு, குறிப்பாக ரத்த மூலம் உள்ளவர்களுக்கு சப்போட்டா பழம் நல்ல எளிய இயற்கை மருந்து.

*சப்போட்டாக்கூழ், கோடையில் ஏற்படும் உடல் உஷ்ணத்தைக் குறைக்கும், தாகத்தையும் தணிக்கும் தன்மை உடையது.

*தூக்கமின்மையால் அவதிப்படுபவர்கள் இரவில் படுக்கைக்குப் போகுமுன் ஒரு டம்ளர் சப்போட்டா பழக்கூழ் குடித்தால், நிம்மதியான தூக்கம் கிட்டும்.

*கொலஸ்ட்ரால் பிரச்னை உள்ளவர்களுக்கு இது இயற்கை மருந்தாகும். தினமும் இரண்டு சப்போட்டா பழங்கள் சாப்பிடுவது நல்ல பயனளிக்கும்.

*சப்போட்டா பழத்திலுள்ள வைட்டமின்கள், ரத்த நாளங்களைச் சீராக்கி, கொழுப்பு படிவதைத் தடுக்கும்.

அமெரிக்காவின் அலபாமா மாகாண அரசு பள்ளிகளில், யோகா பயிற்சி வழங்குவதற்கான மசோதா, எதிர்ப்பு காரணமாக நிறுத்தி வைக்கப்பட்டுள்ளது.

கடந்த, 1993ல், ஹிந்து மதத்தின் அடையாளம் என கூறி, அமெரிக்காவின் அலபாமா அரசு பள்ளிகளில் யோகா கற்பிக்க தடை விதிக்கப்பட்டது. இந்நிலையில் அலபாமா குடியரசு கட்சி எம்.பி.,யும், யோகா பயிற்சியாளருமான ஜெரிமி கிரே, அரசு பள்ளிகளில் யோகா பயற்சி வழங்க வகை செய்யும் மசோதாவை, பிரதிநிதிகள் சபையில் தாக்கல் செய்தார்.

பெரும்பான்மை ஆதரவுடன் மசோதா நிறைவேறியது. ஆனால், சில அமைப்புகளின் எதிர்ப்பு காரணமாக செனட் நீதித் துறை குழுவின் பரிசீலனைக்கு, மசோதா அனுப்பப்பட்டது.  இக்குழு, பொதுமக்களின் கருத்து கேட்பு கூட்டத்தை நடத்தியது. அதில், 'ஈகில்' கூட்டமைப்பின் இயக்குனர் பெக்கி கெரிட்சன், மசோதாவுக்கு கடும் எதிர்ப்பு தெரிவித்தார்.

''வகுப்பறையில் யோகா பயிற்சியாளர்கள், மாணவர்களுக்கு ஆன்மிக முத்திரைகளை கற்றுக் கொடுப்பது, பெற்றோரின் சம்மதத்தை மீறிய செயல்,'' என, அவர் வாதிட்டார். இந்த எதிர்ப்பு காரணமாக, யோகா மசோதாவை செனட் சபைக்கு அனுப்புவது தள்ளி வைக்கப்பட்டுள்ளதாக, நீதித் துறை குழு தெரிவித்துள்ளது.

நேபாளத்தில் கடந்த சில நாட்களாக காற்று மாசுபாடு அதிகரித்து வருகிறது. இந்தியா - சீனா நாடுகளுக்கு இடையே இமயமலை பகுதியில் அமைந்துள்ள நேபாள நாட்டின் பல்வேறு பகுதிகளில் கடந்த சில நாட்களாக காட்டுத்தீ பரவி வருகிறது. 

தொடர்ந்து அதிகரித்து வரும் காற்று மாசுபாடு அதிகரித்து வருவதால் நேபாளத்தில் உள்ள அனைத்து பள்ளிகளும் ஏப்ரல் 2 வரை மூடப்படுவதாக அந்நாட்டு கல்வித்துறை அமைச்சகம் தெரிவித்துள்ளது. மேலும், பொதுமக்கள் தேவையின்றி வீடுகளை விட்டு வெளியே வரவேண்டாம் என அறிவுறுத்தப்பட்டுள்ளது.