தமிழ் சினிமா நடிகையும், முன்னாள் பிக் பாஸ் போட்டியாளருமான ரைசா வில்சன் சமீபத்தில் ஒரு பெரும் அதிர்ச்சிக்கு ஆளானார். தனது அழகுக்காகவும் மிருதுவான சருமத்திற்காகவும் புகழ் பெற்ற ரைசா வில்சன், ஒரு தோல் நிபுணரின் ஆலோசனையைக் கேட்டு தனது வாழ்வின் மிகப்பெரிய அதிர்ச்சியை எதிர்கொண்டுள்ளதாகத் தெரிவித்துள்ளார்.

தனது நிலைமைக்கு காரணமான தோல் மருத்துவரை இன்ஸ்டாகிராமில் ரைசா (Raiza Wilson) வெளுத்து வாங்கினார். அந்த மருத்துவர் தனக்கு தேவையில்லாத தோல் சிகிச்சையை மெற்கொள்ளும்படி தன்னை கட்டாயப்படுத்தியதாக அவர் தனது பதிவில் குற்றம் சாட்டியுள்ளார்.

ரைசா தனது பதிவில், " ஒரு எளிய முக சிகிச்சைக்காக நேற்று @drbhairavisethil இடம் சென்றேன். எனக்குத் தேவையில்லாத ஒரு சிகிச்சையை மேற்கொள்ளும்படி அவர் என்னை கட்டாயப்படுத்தினார். என் முகத்தின் நிலைமை அதன் விளைவாகும். இன்று என்னைப் பார்க்கவோ அல்லது என்னிடம் பேசவோ அவர் மறுத்து விட்டார். அவர் ஊரில் இல்லை என அங்குள்ள ஊழியர்கள் கூறினார்கள்" என்று எழுதியுள்ளார். 

ரைசாவின் பதிவு வைரலானவுடன், தாங்களும் அதே மருத்துவரால், இப்படிப்பட்ட நிலைமைக்கு ஆளாகியுள்ளதாக பலர் அவருக்கு செய்தி அனுப்பியுள்ளனர். Behanced Luxe Dermatol என்ற கிளினிக்கை ரைசா தனது பதிவில் டேக் செய்துள்ளார். மக்களுக்கு அந்த நிறுவனம் குறித்த விழிப்புனர்வை அளிக்கவும், அவர்களை உஷார் படுத்தவும் அவர் இப்படி செய்துள்ளார். டாக்டர் பைரவி செந்தில் என்ற மருத்துவரின் பெயர் இந்த பதிவில் குறிப்பிடப்பட்டுள்ளது. 

ஹைதராபாத்தில் உள்ள ராமோஜி பிலிம் சிட்டியில் முதல் கட்ட படபிடிப்பு நடைபெற்ற நிலையில், முன்னதாக படப்பிடிப்புக் குழுவினரில் எட்டு உறுப்பினர்களுக்கு கொரோனா பாதிப்பு ஏற்பட்டதை அடுத்து ரஜினிகாந்தின் அண்ணாத்தே படப்பிடிப்பு நிறுத்தப்பட்டது. உடல் நல காரணங்களை மேற்கோள் காட்டி, நெடுநாட்களாக கட்சி ஆரம்பித்து தேர்தலை சந்திக்க போவதாக கூறி வந்த சூப்பர் ஸ்டார் ரஜினிகாந்த், அப்போது அரசியலில் இருந்து முழுமையாக விலகுவதாகவும் அறிவித்தார்.

இந்நிலையில், சமீபத்தில்  அண்ணாத்த படப்பிடிப்பு மீண்டும் தொடங்கியதாக செய்திகள் வெளியாகின. தற்போது, கொரோனா வைரஸ் தொற்று  இரண்டாவது அலை தொடங்கி விட்ட நிலையில், ரஜினிகாந்தின் அண்ணாத்தே படம் மீண்டும் சிக்கலில் உள்ளது. 

கொரோனா பரவல் கட்டுக்குள் வந்ததை போல் தோன்றிய நிலையில், ஹைதராபாத்தில், தகுந்த பாதுகாப்பு நடவடிக்கைகளை மேற்கொண்டு படபிடிப்பை நடத்த அனுமதி அளிக்கப்பட்ட நிலையில், தற்போது, முக்கிய படங்களின் படபிடிப்புகள் அடுத்ததடுத்து ரத்து செய்யப்பட்டு வருகின்றன. அதை தொடர்ந்த சூப்பர் ஸ்டார் ரஜினிகாந்தின் அண்ணாத்த திரைப்பட ஷூட்டிங்கும் ரத்து செய்யப்படலாம் என கூறப்படுகிறது.

பெரும்பாலும் ஈவிபி ஃபிலிம் சிட்டியில் (EVP film city) படப்பிடிப்பு நடக்கும் என கூறப்பட்டது. அங்கு தயாரிப்பாளர்கள் ஒரு பெரிய  அளவில் படபிடிப்பிற்கான செட்டிங்குகளை அமைத்துள்ளனர், ஹைதராபாத் தவிர படப்பிடிப்பு கோவை மற்றும் பொள்ளாச்சியைச் சுற்றி நடக்கும் என கூறப்படுகிறது.

திருச்சி துவாக்குடியில் உள்ள தேசிய தொழில் நுட்பக் கழகம் (NIT) இந்திய அளவில் சிறப்பிடம் பெற்றது. இங்கு பொறியியல் தொழில் நுட்பத்தில் இளநிலைப் பட்டம் தொடங்கி, ஆராய்ச்சி படிப்பு வரை நடத்தப்படுகின்றன. அதனோடு இந்திய பாதுகாப்புத் துறையின் ஆராய்ச்சி, மேம்பாட்டுத் துறையோடு இணைந்து ஆராய்ச்சி பணிகளும் மேற்கொள்ளப்பட்டு வருகின்றன.

இந்நிலையில், தொழில்நுட்ப படிப்புகளுக்காக பெயர் பெற்ற என்.ஐ.டியில் கடந்த ஆண்டு முதல் ஆங்கில முதுகலைப் பட்டப் படிப்பும் தொடங்கப்பட்டுள்ளது. இதன்படி, நடப்பாண்டிற்கான (2021 -22)ம் எம்.ஏ ஆங்கில மொழி இலக்கிய படிப்பிற்கான சேர்க்கை அறிவிப்பு வெளியிடப்பட்டுள்ளது. உயர்தொழில் முறைக் கல்விக்கேற்பவும் கலை, அறிவியல், தொழில்நுட்பங்களுக்கு இடையிலான வேறுபாடுகளைப் போக்கும் வகையில் பாடத்திட்டம் வடிவமைக்கப்பட்டுள்ளது.

மேலும் மாணவர்களின் படைப்பாற்றல், தனித்தன்மையை மேம்படுத்தும் வகையில் அமைந்துள்ள என்.ஐ.டி M.A படிப்பில் சேர வரும் 30ம் தேதி மாலை 5 மணிக்குள் விண்ணப்பிக்க வேண்டும். இது குறித்த மேலும் விபரங்களை, இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். என்கிற மின்னஞ்சல், http/admission.nitt.edu/ma2021 online portalலிலும் 0431 250 3690, 250 3691,94860 01130 ஆகிய தொலைபேசி எண்களில் தொடர்பு கொள்ளலாம். 

மேலும்,  சேர்க்கைக்கான விண்ணப்பத்தை இணையத்திலேயே வரும் 30ம் தேதி மாலைக்குள் சமர்ப்பிக்க வேண்டும்.   25 இடங்களுக்கு கடந்த ஆண்டு 236 பேர் விண்ணப்பித்தனர். நடப்பாண்டு விண்ணப்பிப்போர் எண்ணிக்கை மேலும் அதிகரிக்கும் என்று எதிர்பார்க்கப்படுகிறது.